"Liverpul" va MYu "Barsa" himoyachisi uchun kurashadi

"ESPN" nashri xabariga ko'ra, Angliya Premer-ligasining ikki grand klublari "Liverpul" va "Manchester Yunayted" "Barselona"ning urugvaylik himoyachisi Ronald Arauxoga qiziqish bildirmoqda.

Ma'lumotlarga ko'ra, "ko'k-anorranglilar" Urugvay terma jamoasi a'zosi bilan yangi shartnoma borasida muzokaralar olib bormoqda, ammo Arauxoning yuqori maosh so'rayotgani sababli bu ish to'xtab qolishi mumkin.

"Liverpul" va MYu futbolchi atrofidagi vaziyatni diqqat bilan kuzatib bormoqda.

Eslatib o'tamiz, Ronaldning kataloniyaliklar bilan amaldagi shartnomasi 2023 yilning yozida yakuniga etadi. Jamoa unga 5 yillik yangi shartnoma taklif qilmoqda.