Karpin: “Italiya va Portugaliya o'yini qog'ozda murakkabroq ko'rinishi mumkin“

Rossiya terma jamoasi bosh murabbiyi Valeriy Karpin JCh-2022 pley-off bosqichiga qur'a tashlash marosimi bo'yicha jurnalistlarning savollariga javob berdi.

- Balki qog'ozda Italiya va Portugaliya murakkabroq ko'rinar, - deya iqtibos keltiradi Karpin “Sport-Ekspress“ga.

Shunga qaramay, Karpin Polsha termasini muvaffaqiyatli qur'a natijasi, deb hisoblamaydi va raqib saviyasini Xorvatiya termasi bilan solishtiradi.

Valeriy Karpin pley-offga tayyorgarlik ko'rish borasidagi rejalari bilan ham o'rtoqlashdi. Ideal holda, murabbiy italiyaliklar bilan o'rtoqlik o'yini o'tkazishni xohlaydi, shuningdek, yanvar-fevral oylarida terma jamoa tarkibini ko'rib chiqishga tayyor.

Eslatib o'tamiz, 24 mart kuni Rossiya Polshaga, Shvetsiya esa Chexiyaga qarshi bahs olib boradi. Yarim final g'oliblari Qatar yo'llanmasi uchun kurash olib boradi.