Kuman "Barselona"ni qanchaga tushirdi?

"Barselona" jamoasi sobiq bosh murabbiyi Ronald Kuman bilan shartnomani muddatidan oldin bekor qilish shartlari bo'yicha kelishib oldi, deya xabar beradi "Marca".

Niderlandiyalik mutaxassis shartnomani muddatidan oldin bekor qilingani uchun 10 million evro miqdorida tovon puli oladi. Dastlab, bu taxminan 12 million edi.

Eslatib o'tamiz, Kuman Ispaniya chempionati doirasida "Rayo Valekano"ga qarshi o'yindagi mag'lubiyatdan so'ng (0:1) bosh murabbiylikdan ketgan edi.

U 2020 yilning avgustida "Barselona"ni qabul qilib olgandi. Futbolchi sifatida 1989 yildan 1995 yilgacha kataloniyaliklar sharafini himoya qilgan.

Manba: Sport-Express.ru