Alaba jiddiy jarohatdan qutilib qolgan

Madridning “Real” klubi himoyachisi David Alaba Chempionlar ligasi guruh bosqichidan o'rin olgan “Sherif”ga qarshi o'yinda (3:0) jarohat oldi.

Chuqurlashtirilgan tekshiruv tizza bo'g'imlari biroz shikastlanganini ko'rsatdi, ammo bu jiddiy oqibatlarga olib kelmadi, deya xabar beradi "Marca" nashri.

Katta ehtimol bilan Alabaning vaziyatini keskinlashtirmaslik uchun jamoa futbolchini yakshanba kungi “Sevilya” bilan o'yinda maydonga tushirmaydi.

Eslatib o'tamiz, La Liganing 15-turidan o'rin olgan "Real Madrid" – "Sevilya" uchrashuvi 29 noyabr 01:00 da start oladi.