Navas Solari qo'l ostidagi eng og'ir kuni qaysi ekanligini aytdi

"Real" posboni Keylor Navas Chempionlar ligasi guruh bosqichi 6-turi doirasida bo'lgan "TsSKA"ga qarshi o'yinni esladi. U o'sha o'yinda asosiy tarkibga kiritilmagandi.

«Solari qo'l ostidagi eng og'ir kunim? Chempionlar ligasining guruh bosqichining oxirgi turi dahshatli bo'lgandi. Biz pley-off masalasini hal qilib bo'lgandik, "TsSKA"ga qarshi o'yin esa jamoadoshlarim uchun o'yin amaliyotiga ega bo'lish borasidagi imkoniyat edi. Ammo bu imkoniyat menga berilmadi. Buni qabul qilish juda og'ir kechdi. Ammo men ko'nikdim va ishlashda davom etdim», – dedi Navas.