Karius "Liverpul"ga: "Iltimos, meni tezroq qaytarib oling"

Germaniyalik posbon Laris Karius "Beshiktosh" klubida boshqa o'ynashni istamayapti. Bu haqda "Turkiye Gazetesi" yozmoqda.

Manbaga ko'ra, 25 yoshli futbolchi "Liverpul" rahbariyatidan uni tezroq ijaradan qaytarib olishlarini iltimos qilgan.

Oldinroq "Beshiktosh" ustozi Kariusni joriy mavsumdagi ishonchsiz o'yini uchun tanqid qilgandi. Bundan tashqari, ma'lum bo'lishicha, turk klubi posbonning 4 oylik maoshini bermagan.

Ushbu mavsumda Karius 27 ta o'yinda 37 ta gol o'tkazib yuborgan.