«Bunyodkor-2003» o'z guruhida 3-o'rinni egalladi

Rossiyaning Krasnodar shahrida davom etayotgan Sergey Igorevich Vaxrushev xotira turnirida guruh uchrashuvlari yakunlandi.

Guruhning so'nggi uchrashuvini mezbonlarga qarshi o'tkazgan «Bunyodkor-2003» mag'lubiyatga uchradi. Avvalgi ikki o'yinda o'z darvozasi dahlsizligini saqlay olgan «Krasnodar» jamoasi bu safar ham buning uddasidan chiqa oldi va shu tariqa guruhda birinchi o'rinni egalladi.

Guruhning ikkinchi uchrashuvida «Dinamo-Minsk»dan ustun kelgan «Chertanovo» ikkinchi o'rinni o'ziniki qildi. «Bunyodkor-2003» uchinchi o'rin bilan kifoyalandi.

Temur Boboxonov shogirdlari 22 mart, juma kuni «B» guruhida 4-o'rinni egallagan jamoaga qarshi maydonga chiqadi.

XOTIRA TURNIRI
«Krasnodar» – «Bunyodkor» – 5:0
Gollar: Korotkov, Popov, Gayvoronskiy, Shepet, Berzegov