Benzema terma jamoani tark etmaydi

Frantsiya futbol federatsiyasi prezidenti Noel Le Gre Frantsiya terma jamoasining sobiq yarim himoyachisi Mate Valbuenani shantaj qilish bo'yicha sud qaroriga izoh berdi va bu «Real» hujumchisi Karim Benzemani terma jamoaga chaqirish imkoniyatiga ta'sir qilmasligiga ishontirdi.

Eslatib o'tamiz, sud Benzemani aybdor deb topib, uni shartli ravishda bir yil qamoq va 75 ming evro miqdorida jarimaga tortgan edi.

"Hech narsa o'zgarmadi. Vaziyat achinarli bo'lsada, u o'z safiga qo'shildi. U bir necha yildan beri Frantsiya terma jamoasida o'ynamadi.

Men uchun bu jazo hech narsani o'zgartirmaydi. Uni terma jamoaga chaqirish mumkin. Uning ishlash huquqi bor. Siz xato qilishingiz, jazo olishingiz va ishga qaytishingiz mumkin.

Men Karimdan mamnunman. U samarali, yaxshi o'ynaydi. Agar Desham uni chaqirsa, federatsiya bunga qarshi bo'lmaydi”, - dedi Le Gre.