Pioli: «Atletiko»ga qarshi o'yin «Milan»ning Chempionlar ligasidagi so'nggi imkoniyatidir»

"Milan" bosh murabbiyi Stefano Pioli Chempionlar ligasi 5-turi doirasidagi "Atletiko"ga qarshi o'yin oldidan fikrlari bilan o'rtoqlashdi.

"Mening vazifam jamoani ko'nglini ko'tarish, ammo bu holatda bu oson. "Atletiko"ga qarshi o'yin bizning so'nggi imkoniyatimiz va g'alaba qozonish uchun ajoyib imkoniyatdir. Hozircha Evropa musobaqalarida omadimiz kelmadi. Biz yaxshi o'yin o'tkazishimiz kerak", - deya Pioli so'zlaridan iqtibos keltirdi UEFA rasmiy sayti.

"Atletiko" - "Milan" uchrashuvi bugun, 24 noyabr kuni bo'lib o'tadi va Toshkent vaqti bilan soat 01:00da boshlanadi. Bir ochkoga ega milanliklar B guruhida oxirgi, 4 ochko bilan madridliklar uchinchi o'rinda bormoqda. "Liverpul" 15 ochko bilan birinchi o'rinda, "Portu" esa 5 ochko bilan ikkinchi o'rinda.