Mourinoning “Roma”dagi sarguzashti tugadimi yoxud portugaliyalikning keyingi manzili qaer bo'ladi?

Joze Mourino – o'zi ishlagan “Portu”, “Inter”, “Real Madrid”, “Chelsi” va “Manchester Yunayted” jamoalari bilan erishgan barcha yutuqlarining deyarli hammasini ikkinchi yilda qo'lga kiritgan (“Tottenxem”dan tashqari).

Mourinoga fe'l-atvori tufayli boshqacha munosabatda bo'lishingiz mumkin, lekin nega portugaliyalikning top-murabbiylar ro'yxatida ekanligi bilan faqat ahmoqgina bahslasha oladi. “Special One”ning tajribasi o'z-o'zidan dalolat beradi. Dunyodagi millionlab mutaxassislar juda ko'p sovrinlarga ega Joze kabi bo'lishni orzu qiladi. So'nggi yillarda uning faoliyati pasayish tendentsiyasida bo'lsa-da, Mourino top murabbiy bo'lib qolmoqda. Portugaliyalik klubga Liga kubogi va Evropa ligasi sovrinlarini olib kelgan taqdirda ham MYuni yuqori saviyaga qaytara olmadi. Ammo, Shimoliy Londonga sovrinlar uchun taklif qilingan Mourino “Tottenxem”ga hech qanday sovrin yutishga yordam bermadi.

O'tgan yozda Joze Mourino “Roma”da yangi sarguzashtni boshladi. Jamoa joriy mavsumni ketma-ket oltita g'alaba bilan boshladi va ehtimol, Mourino bir qancha klublardagi omadsizliklardan so'ng, nihoyat muvaffaqiyat qozonadigan joyni topgandek tuyuldi. Biroq, natijalar tezda o'zgarib ketdi va uning jamoasi ko'ngildagi kabi o'yin namoyish etmay qoldi. Klubga katta transferlar kerakligini ta'kidlashdan charchamagan Jozeni yana avvalgiday bahona qilishni boshladi. Mish-mishlarga ko'ra, portugaliyalik “Roma” sport direktori Tiago Pinto bilan mojaroga uchragan. Mourino va  Rim klubi o'rtasidagi ittifoq uzoq davom etmaydi degan xabarlar tarqaldi.

“Special One” qaerga boradi?

Mourino va “Nyukasl” nomlari OAV orqali tez-tez tilga olinishni boshladi. Yaqinda Saudiya Arabistoni suveren jamg'armasi boshchiligidagi konsortsium tomonidan sotib olingan ingliz klubi o'z oldiga katta maqsadlar qo'yganini taxmin qilish mumkin. “Qarg'alar”ning yangi etakchilarining moliyaviy imkoniyatlari kelajakda Angliya va Evropada yangi top-klub paydo bo'lishi mumkinligini ko'rsatmoqda. “Nyukasl” allaqachon eng kuchli futbolchilarni sotib olish uchun kurashish niyati haqida gapirgan, biroq birinchi navbatda klub infratuzilmani yaxshilamoqchi.

“Nyukasl” va Joze Mourino – mukammal tandem. Portugaliyalik murabbiy qimmat xaridlarga ishonishi mumkin bo'lgan klubga ega bo'ladi. Aynan shu narsa oxirgi yillarda Jozega etishmayapti. Shu bilan birga, bu erda xech kim tezda Mourinodan natija talab qilmaydi, chunki “Nyukasl” shakllanish davrida bir mavsumdan ko'proq vaqt o'tkazadi. Keng imkoniyatlar, bosim yo'q va uzoq muddatda “Nyukasl”ni katta jamoaga aylantiradigan murabbiy bo'lish imkoniyati. Jozibali, to'g'rimi?

Ehtimol, bularning barchasi Mourino o'zi ishlagan Angliyadagi uchta klub rahbarlariga nimanidir isbotlashiga sabab bo'lishi mumkin.

“Nyukasl” esa o'z navbatida nafaqat top-murabbiy, balki futbol olamidan katta figurani jamoaga olib keladi. Joze Mourino OAV va jamoatchilik uchun haqiqiy magnitdir. O'zining uzoq yo'lini endi boshlayotgan klub uchun shunday murabbiyning bo'lishi ajoyib natijalarga sabab bo'lishi mumkin. Mourino boshqaruvida bo'lsa, “Nyukasl”ga qiziqish ancha yuqori bo'ladi.

Eddi Xou yaqinda “qarg'alar” bosh murabbiyiga aylandi. Bu “Bornmut”dagi  muvaffaqiyatli faoliyati bilan tanilgan yosh mutaxassis. U to'rtinchi diviziondan Premer-ligadagi debyutigacha jamoa bilan yo'l bosib o'tgan. “Giloslar” besh mavsumni ingliz futboli elitasida o'tkazdi.

Xou – ajoyib mutaxassis. Hozir o'zi uchun juda tanish sharoitda, chunki “Nyukasl” elitada qolish uchun jon saqlab qolish maqsadida kurashmoqda. Ammo Xou yaqin yillarda “qarg'alar” o'z oldiga qo'yadigan yuqori maqsadlarga erishadimi? Ajoyib savol. “Nyukasl”ga jiddiyroq maqsadlarda murabbiy kerak bo'lsa, ular Joze Mourinoga murojaat qilishlari mumkin. Bir necha hafta oldin portugaliyalik mutaxassis “Nyukasl”ning natijalari va klubdagi o'zgarishlarga befarq emasligini aytgandi. Balki, Mourino shu tariqa klubning yangi xo'jayinlari e'tiboriga tushishga harakat qilgandir?

Jamshidjon Mahmudov tayyorladi.