Chempionlar ligasi pley-off bosqichining 6 ishtirokchisi aniq bo'ldi

Evropa chempionlar ligasi guruh bosqichi doirasida kecha to'rtta guruhda 5-tur o'yinlari bo'lib o'tdi. Shu paytgacha, turnirning pley-off bosqichi yo'llanmasini qo'lga kiritgan 6ta jamoaning nomi aniq bo'ldi.

"Liverpul", "Chelsi", "Manchester Yunayted" (barchasi - Angliya), "Ayaks" (Niderlandiya), "Bavariya" (Germaniya) va "Yuventus" (Italiya) klublari musobaqaning bahorgi bosqichida ishtirok etish huquqini muddatidan avval qo'lga kiritib bo'lishdi.

Nimchorak finalga qur'a tashlash marosimi 13 dekabr kuni bo'lib o'tadi. 1/8 final bahslari 2022 yilning 15-16 fevral va 22-23 fevral kunlari o'tkaziladi.

Manba: stadion.uz