«The Best-2021» sovriniga da'vogarlarga ta'riflar

FIFA The Best sovrini uchun da'vogar futbolchilar ro'yxati e'lon qilindi. Ularni ko'rib chiqamiz:

Benzema - "Real Madrid" haqiqiy lideri va o'tish davrida qutqaruvchisi bo'lish bilan birga, Frantsiya terma jamoasiga qaytib o'z darajasini ko'rsatdi.

De Bryuyne - Gvardiola jamoalarida shaxslar ikkinchi darajada, ammo sxemani ham o'ziga bo'ysindira oladiganlari bor, sanoqli, Kevin shunday.

Ronaldu - Qaerga bormasin to'purarga aylanadi. Terma jamoalar mutloq rekordchisi. "Manchester Yunayted"ni og'ir davrida tortyapti.

Xoland - Uni orzu qilmaydigan klub yo'q. Yo'q joyda gol yuzaga keltiradi. Kelajak uniki.

Jorjino - Mavsum titullari bo'yicha unga teng keladigani yo'q. Chempionlar ligasi g'olibi, Evropa chempioni, UEFA talqinida eng yaxshi.

Kante - Motor, ishonch timsoli, eng kamtar futbolchi. Hammaning birdek e'tirofiga sazovor.

Levandovski - Gollar mashinasi. Ikki mavsumning eng zo'r to'purari. Gollar soni bo'yicha o'sha juftlikdan o'ta olgan shaxs.

Mbappe - Talant, jismoniy kuch, atletizm, tezlik, texnika uyg'unlashuvi bo'yicha hozirda tengsiz. Liderlikni olish qoldi.

Messi - Azaliy orzusiga erishdi va Kopani yutdi. Mavsumni terma jamoaga atadi. Klub miqyosida esa uning isbotlaydigan narsasi yo'q.

Neymar - Iste'dod bo'yicha ro'yxatda eng zo'ri, intizom bo'yicha eng yomoni. Lekin shunisi bilan u o'sha biz bilgan Neymardir, futbol u uchun zavq.

Saloh - Liverpul tarkibidagi eng yaxshi to'purar, eng yaxshi assistent, eng yaxshi futbolchi. Barchasini o'z zimmasiga oladigan etakchi.

Qiyin tanlov… rasman e'lon qilinguncha vaqt bor. O'zingiz nima deysiz?

Davron Fayziev.

Manba: https://t.me/Davron_Fayziev