Pochettino istagan paytda jamoadan ketishi mumkin

«PSJ» bosh murabbiyi Maurisio Pochettino «Manchester Yunayted»ni boshqarish taklifini qabul qilsa, uni ushlab turmaydi. Bu haqda Britaniya matbuoti xabar bermoqda.

Manbaga ko'ra, Pochettino Premer-ligaga qaytishga qarshi emas. Avvalroq u Angliyada «Tottenxem» boshqaruvida munosib ishlagan.

Eslatib o'tamiz, o'tgan hafta oxirida «Manchester Yunayted» Ole-Gunnar Sulsherni iste'foga chiqargan edi. «Old Trafford» klubi rahbarlari murabbiyning o'rniga Maurisio Pochettinoni olib kelishmoqchi.