To'rtta gigant klubning e'tibori "Arsenal" futbolchisida turibdi

"Arsenal" futbolchisi uchun to'rtta gigant klublar da'vogarlik qilmoqda. Xabarlarga ko'ra, to'pchilar hujumchisi Lyakazett qishda klubini tark etishi mumkin.

Unga "Milan", "Atletiko", "Marsel" hamda "Nyukasl"dan taklif bo'lishi kutilmoqda. Ular ichida 30 yoshli futbolchiga eng yaxshi va qulay variant "Nyukasl" hisoblanadi. "Qarg'alar" uchun qishki transferlar oynasi juda muhim sanaladi.

Lyakazett asosiy nishon bo'lgan holda, Eddi Xau boshqa hujumchilar bilan ham qiziqadi. Eslatib o'tamiz, Aleksandr Lyakazettning "Arsenal" bilan bitimi keyingi yozda yakunlanadi.