"Vilyarreal" ustoziga serbiyalik hujumchi kerak

"Fulxem" klubi futbolchisi Aleksadr Mitrovich "Vilyarreal"ga o'tishi mumkin. Xabarlarga ko'ra, serbiyalik hujumchi xizmatlariga shaxsan Unai Emerining o'zi qiziqish bildirmoqda.

Evropa ligasi sohiblari 27 yoshli futbolchi uchun taxminan 16 million evro to'lashga rozi bo'lishi mumkin. Bundan avvalgi xabarlarda Mitrovich "Fulxem" bilan yangi bitim tuzishi va u haftasiga 100 ming funt maosh bilan ta'minlanishi aytilayotgan edi.

Bu mavsum Chempionshipda Mitrovich hisobida 18 o'yinda 21ta gol mavjud.

Manba: bbc.com