Kerrik «Manchester Yunayted»ning yangi murabbiyi haqida: «Bu mish-mishlar haqida o'ylamayman»

«Manchester Yunayted» bosh murabbiyi vazifasini bajaruvchi Maykl Kerrik klub faol ravishda yangi murabbiy izlayotgani haqidagi gaplardan xavotirlanmasligini aytdi.

«Men bu rolni qancha vaqt kerak bo'lsa, shuncha bajarishga tayyorman. Bitta o'yin, ikkita... Men bu mish-mishlar haqida o'ylamayman, lekin bor e'tiborimni ishga qaratganman», - deya Kerrik so'zlaridan iqtibos keltiradi The Guardian nashri.

22 noyabr, yakshanba kuni Ole-Gunnar Sulsher ingliz klubi bosh murabbiyi lavozimini tark etdi. Qayd etilishicha, klub mavsum yakuniga qadar bosh murabbiy vazifasini bajaruvchi lavozimga nomzod qidirmoqda.