“Yuve” futbolchisi mashg'ulotlarga qaytdi

“Yuventus” hujumchisi Paulo Dibala Chempionlar ligasi guruh bosqichining 5-turida “Chelsi”ga qarshi o'ynay oladi. “Football Italia” nashri xabariga ko'ra, dushanba kuni Dibala “keksa sinora”ning umumiy guruhida mashg'ulot o'tkazgan. 

Eslatib o'tamiz, Paulo Dibala shanba kuni “Yuventus”ning “Latsio”ga qarshi o'yinni (2:0) jarohat sabab o'tkazib yuborgan.

“Chelsi” – “Yuventus” uchrashuvi 23 noyabr seshanba kuni bo'lib o'tadi. Massimiliano Allegri shogirdlari Chempionlar ligasi pley-off bosqichiga yo'llanmani qo'lga kiritishdi.