Rasman! Sautgeyt Angliya terma jamoasi bilan shartnomasini uzaytirdi

51 yoshli mutaxassis Garet Sautgeyt Angliya futbol federatsiyasi bilan yangi shartnoma imzoladi. Endi u Evro-2024 yakuniga qadar mamlakat bosh jamoasini boshqaradi, deb xabar beradi “Sky Sports”. 

Yangi shartnomaga ko'ra, angliyalik mutaxassis har mavsumda 5 million maosh oladi, bu esa uni terma jamoa tarixidagi eng ko'p maosh oluvchi murabbiyga aylantiradi.

Sautgeyt 2016 yilning sentyabridan beri Angliya terma jamoasini boshqarib kelmoqda. Uning qo'l ostida jamoa JCh-2018da to'rtinchi, Evro-2020da ikkinchi o'rinni egalladi.