"Yuventus" futbolchisiga Angliyadan qiziqishlar mavjud

APLning bir nechta klublari "Yuve" futbolchisiga taklif bilan chiqishi mumkin. Xabarlarga ko'ra, "Arsenal", "Lids"  hamda "Nyukasl" klublari Artur Melo transferiga qiziqish bildirmoqda.

Arturga Ispaniya giganti "Sevilya" ham befarq emas. Artur 2020 yilda "Yuventus"ga kelgan. U "Barselona"dan Miralem Pyanich o'rniga almashtirilgan. Bugunga kelib, uning Turindagi kelajagi noma'lum bo'lib turibdi.

U qishda jamoani tark etadigan futbolchilar ro'yxatiga kiritilgan. Avvalroq Aaron Remzini jamoadan ketishi mumkinligi haqida xabar qilingan edi.