Uchta APL klubi "Milan" hujumchisiga xaridor

"Milan" futbolchisi Rafael Leao uchun APL klublari jiddiy qiziqish bildirmoqda. Ular ichida eng jiddiy da'vogar "Manchester Siti" hisoblanadi.

Gvardiola jamoasi Dushan Vlaxovich hamda Erling Xoland transferlariga ham nomzod sifatida ko'rsatilgan edi. Hozir esa Portugaliya terma jamoasi a'zosi Leao "shaharliklar"ning ro'yxatidan joy olgani ma'lum bo'ldi. 22 yoshli hujumchini "Everton" va "Vulverxempton" klublari ham jiddiy kuzatib bormoqda.

Hozirda "Milan" futbolchisini yangi bitimga ko'ndirishga harakat qilmoqda. Ta'kidlanishicha, Leaoga taklif etiladigan yangi shartnoma 2024 yilgacha mo'ljallangan bo'ladi.