Devid Moyes: "Omillar ko'p, ammo hech biri bahona qilishga arzirli sabablar emas"

"Vest Xem" klubi ustozi Devid Moyes "Vulverxempton"ga qarshi mag'lubiyatli o'yindan so'ng o'z fikrlari bilan o'rtoqlashdi:

"Menimcha, bizda tarkib bilan bog'lliq muammolar borligi sabab, o'yin kutilganidek bo'lmadi. Jumladan, bir qancha futbolchilarimiz o'z o'yinini ko'rsata olmadi, boshqalari esa endigina jarohatdan chiqqan edi. Bu bahs mavsumda Angelo Ogbonnasiz o'tgan dastlabkisi bo'ldi. Shunday ekan, mag'lubiyat borasida aytadigan omillarimiz ko'p, ammo hech biri bahonaga arzirli sabablar emas. APLda jamoalar orasidagi farq juda ham qisqa. Bugun ham oson kechmadi. Shunga qaramay, biz o'zimiz istagan o'yinni namoyish eta olmadik".

"Vest Xem"ning keyingi bahsi payshanba kuni Evropa ligasi guruh bosqichida "Rapid"ga qarshi kechadi.