"Yuventus" himoyachisi jarohat sabab bir oyni o'tkazib yuborishi mumkin

"Yuventus" himoyachisi Danilo Italiya chempionatining 13-turi doirasida "Latsio"ga qarshi o'yinda (2:0) jarohat oldi.

"Tuttojuve" nashrining xabariga ko'ra, futbolchi kamida bir oyni lazaretda o'tkazib yuborishi mumkin. Jarohat haqida hali aniq ma'lumotlar yo'q. Klub hozircha futbolchining ahvoli haqida rasmiy ma'lumot bermagan.

30 yoshli braziliyalik futbolchi joriy mavsumda “Yuventus” safida barcha turnirlar doirasida 14ta o'yin o'tkazib, 1ta golli uzatmani amalga oshirdi.