EChL. Germaniyadagi o'yin uchun muxlislar kirishiga ruxsat berilmaydi!

EChLning "Leyptsig" hamda "Manchester Siti" o'rtasidagi bahsi muxlislarsiz o'tkaziladi. Xabarlarga ko'ra, Germaniyada koronavirus bilan bog'liq vaziyat jiddiylashib bormoqda. Shu sabab hukumat jamoat yig'iladigan tadbirlarni, jumladan futbol o'yinlariga muxlislar kirishini ham ta'qiqlashga majbur bo'lmoqda.

Juma kunining o'zida Germaniya bo'ylab jami 57 302ta yangi holat aniqlangan. Ushbu uchrashuv 7 dekabr kuni "Red Bull Arena"da o'tkazilishi belgilangan.

Ushbu juftlik o'rtasida birinchi bahs sentyabr oyida "Etihad" stadionida bo'lib o'tgan. Unda "Man Siti" 6-3 hisobida zafar quchgan edi.