Piter Xyuistra: "Raqibga bosim uyushtirish orqali o'yinni nazorat qildik"

"Paxtakor" bosh murabbiyi "Lokomotiv" bilan derbidan keyin o'yin haqida fikrlarini bildirdi.

- Ilk daqiqalardan boshlab xavfli vaziyatlar yaratishga urindik. Raqibga bosim uyushtirish yo'lini topdik. Mezbonlar faqat standart vaziyatlardagina keskinlik yuzaga keltira olishdi. O'yindagi ustunlik to'liq jamoamiz tomonida bo'ldi. Zaxiradan maydonga tushgan futbolchilar ham o'yin suratini saqlab qolishdi. "Paxtakor"ning "Lokomotiv" va "Bunyodkor"ga qarshi bahslari doim shiddatli o'tadi. Futbolchilarning harakatlaridan ko'nglim to'ldi.

Raqib yaxshi o'zing ko'rsatadigan jamoa. Biz ularga himoyadan hujumga o'tish vaqtidayoq bosim uyushtirdik. Bo'sh xududlar bermadik.

Jamoada 24 nafar futbolchi bor. Ularning har biri imkoniyat olishga haqli. Boyan Matichning so'nggi paytlarda sog'lig'i bilan bog'liq muammosi bor edi. Bugun unga imkoniyat berdik. Lekin oyog'ida biroz og'rig'i bor.

Mavsum davomida yaxshi maydonlar sifatida "Paxtakor", "Lokomotiv" va "Nasaf" maydonlarini ko'rsatgan bo'lardim. "Bunyodkor" stadionida so'nggi turda o'ynaymiz. Qolgan maydonlar ichidan yomonini tanlab olsa bo'ladi.