A Seriyaning 3 jamoasi "Ayntraxt" futbolchisini sotib olmoqchi

Frankfurtning “Ayntraxt” klubi hujumchisi Filipp Kostich faoliyatini Italiya chempionatida davom ettirishi mumkin, deya xabar bermoqda jurnalist Nikolo Skira.

Ma'lumotlarga ko'ra, 29 yoshli serb futbolchisi agentini o'zgartirgan va yangi agentiga o'zini A Seriyada sinab ko'rmoqchi ekanligini aytgan. Ma'lum qilinishicha, futbolchiga Italiya chempionatining 3 klubi "Inter", "Latsio" va "Fiorentina" qiziqish bildirmoqda.

Joriy mavsum Kostich "Ayntraxt" klubi uchun 13 o'yinda maydonga tushib, 2 gol urdi va 5 golli uzatmani amalga oshirdi. "Transfermarkt" portali futbolchining narhini 20 million evroga baholagan.