Ryudigerning agenti PSJ bilan muzokaralarni boshladi

Frantsiyaning "Pari Sen-Jermen" klubi "Chelsi" himoyachisi Antonio Ryudigerni sotib olish niyatida. Futbolchining agenti allaqachon frantsuz grandi bilan muzokaralarni boshlagan, deya xabar berdi "RMC Sport".

Ma'lumotlarga ko'ra, Ryudiger yangi jamoasida yiliga 12 million evro maosh olmoqchi, "Chelsi" esa himoyachi uchun bunday katta mablag' to'lashga tayyor emas.

Avvalroq, "Real Madrid" va "Bavariya" ham Antonioga da'vogar klublar safida ekanligini xabar qilingandi.

Eslatib o'tamiz, himoyachining "aristokratlar" bilan amaldagi shartnomasi joriy mavsum oxirida yakuniga etadi.