O'zbekiston ayollar OTJ xalqaro musobaqada ikkinchi g'alabasini qo'lga kiritdi

«JIZZAKH WOMEN CUP-2019» xalqaro musobaqasida ishtirok etayotgan O'zbekiston ayollar OTJ bugun musobaqa doirasidagi navbatdagi uchrashuvini o'tkazdi. «So'g'diyona-W» jamoasiga qarshi maydonga tushgan Bahrom Norsafarov shogirdlari 3:0 hisobida g'alaba qozonishdi.

Ta'kidlash joiz, ayollar OTJ dastlabki tur o'yinida Qirg'iziston U-19 jamoasini 7:1 hisobida mag'lubiyatga uchratgan edi. Bu g'alabadan keyin vakillarimiz musobaqa bosh sovrini sari yana bir dadil qadam tashladilar. O'zbekiston OTJ musobaqa doirasida o'zining navbatdagi uchrashuvini 21 mart kuni AGMK-W klubiga qarshi o'tkazadi.

«Jizzakh women Cup-2019»
«So'g'diyona-W» – O'zbekiston ayollar OTJ 0:3
Gollar: Mahliyo Sarikova 52, 81; Lyudmila Karachik 90+3