Konte “Tottenxem”da qanday ishlarni amalga oshirish kerakligi haqida gapirdi

“Tottenxem” bosh murabbiyi Antonio Konte matbuot vakillari bilan uchrashuvda jamoadagi muammolar haqida gapirdi. Italiyalik mutaxassisning ta'kidlashicha, londonliklar Premer ligada raqobatbardosh bo'lishlari uchun hali uzoq va mashaqqatli mehnat qilishlari kerak. 

Murabbiyning fikricha, “shporlar” o'yinning deyarli barcha komponentlarini yaxshilashi kerak.

“Biz harakat, taktika, fitnes va mentalitet ustida ishlashimiz kerak”, dedi Konte matbuot anjumanida.

Murabbiy hujumchi Xarri Keynning shaxsiga ham to'xtalib, uni o'zi ishonadigan eng yuqori saviyadagi futbolchi deb atadi.