Dembele va Pedri Xavi qo'l ostidagi "Barselona"ning ilk uchrashuvini o'tkazib yuboradi

"Barselona" hujumchisi Usmon Dembele va yarim himoyachisi Pedri Ispaniya chempionatining 14-turidan o'rin olgan "Espanol"ga qarshi o'yinni o'tkazib yuboradi, deya xabar berdi "Marca" nashri.

Ma'lumotlarga ko'ra, har ikkala futbolchi ham jamoaning 18 noyabr kungi mashg'ulotlarini o'tkazib yuborgan. Ular kelasi o'yinlarga tayyor bo'lishi kutilmoqda.

Klub ham ularning jarohati takrorlanmasligi uchun ularga ko'proq vaqt bermoqchi.

Eslatib o'tamiz, "Barselona" – "Espanol" uchrashuvi 20 dan 21 noyabrga o'tar kechasi 01:00 da start oladi.