"Manchester Yunayted" futbolchisiga 6 klub qiziqmoqda

"Manchester Yunayted" yarim himoyachisi Jessi Lingardga Evropaning bir qator grand klublari qiziqish bildirmoqda.

"ESPN" nashri bergan ma'lumotlarga ko'ra, 28 yoshli futbolchiga allaqachon 6 klubdan taklif bo'lgan – bular "Barselona", "Milan", "Vest Xem", "Everton", "Nyukasl" va "Tottenxem".

Lingard mavsum yakunida erkin agentga aylanish ehtimoli yuqori va jamoasini tekinga almashtira oladi.

Shuningdek, yarim himoyachi yanvardayoq "qizil iblislar" safini tark etishi mumkin. Buning sababi qilib, o'yin amaliyoti juda kam berilayotgani ko'rsatilgan.