"Barselona"ning sobiq yulduzi o'z mamlakatida FA prezidenti bo'lishga yaqin turibdi

Afrikalik afsona, "Barselona" hamda Kamerun terma jamoalarining sobiq a'zosi Samyuel Eto'o o'z mamlakatining Futbol Assotsiatsiyasi prezidentligiga asosiy nomzod. U bu haqida fikr bildirar ekan, shunday deydi:

"Men Kamerun futbolini yangi, zamon ruhiga mos tarzda qaytadan qurishni orzu qilaman. Umid qilamanki, tez orada futbolimiz o'zi loyiq bo'lgan darajaga olib chiqiladi".

40 yoshli sobiq futbolchi 11 dekabr kuni saylov natijalariga ko'ra, FA prezidentligiga saylanishi mumkin.