"Bavariya" futbolchisi koronavirus tufayli maydonga tusha olmaydi

"Bavariya" klubi futbolchisi Joshua Kimmix koronavirus sabab "Augsburg"ga qarshi bahsda ishtirok eta olmasligi mumkin. Bu haqida jamoa ustozi Yulian Nagelsman ma'lum qildi. U shunday deydi:

"Kimmix borasida ehtiyot chorasi qo'llanilishi mumkin. Chunki u shaxsiy hayotida koronavirus yuqtirgan odam bilan kontaktda bo'lgan. Bu hali o'z tasdig'ini topmadi.  Shu sabab biz PTsR test natijalarini kutishga majburmiz".

Eslatib o'tamiz, "Bavariya" bugun tunda "Augsburg" maydoniga safar qiladi.