Aleksis Sanches jarohat tufayli ikki haftani o'tkazib yuboradi

"Inter" hujumchisi Aleksis Sanches jarohati sabab ikki haftaga yaqin maydonga tusha olmaydi, deya xabar berdi "Football Italia" nashri.

Manba bergan ma'lumotlarga ko'ra, 32 yoshli chililik futbolchi JCh-2022 saralash bahslaridan o'rin olgan Ekvadorga qarshi o'yinda (0:2) mushaklaridan jarohat olgan.

Joriy mavsum Sanches "neradzurrilar" safida barcha turnirlarda 10 o'yin o'tkazib, 1 gol urdi va 2 golli uzatmani amalga oshirdi.