Balotelli: "Terma jamoa uchun Turkiyadan Italiyaga piyoda ketgan bo'lardim"

Turkiyaning "Adena Demirspor" klubi hujumchisi Mario Balotelli yana Italiya terma jamoasiga qaytishni orzu qilmoqda.

“O'zimni yaxshi his qilyapman, ajoyib formadaman. Oxirgi ikki yarim yildan so'ng terma jamoaga qaytishga tayyor ekanligimni his qilyapman. Bu orzu.

Agar mart oyida terma jamoaga chaqirilishimni bilganimda Turkiyadan piyoda ketardim", - dedi Balotelli "OCW" nashriga bergan intervyusida.

Joriy mavsum Mario Turkiya Superligasida 12 uchrashuv o'tkazib, 5 gol urdi va 2 golli uzatmani amalga oshirdi.