Azar yozda «Real»ga o'tmoqchi

«Chelsi» yarim himoyachisi Eden Azar yozda «Real» a'zosiga aylanishi mumkin. Belgiyalik futbolchi shu paytgacha "Qirollik klubi"ga o'tish istagi borligini ochiq izhor qilgandi.

As tarqatgan xabarga ko'ra, Zidan «Real» boshqaruviga qaytmaganida ham Eden bolalikdagi orzusini amalga oshirish istagidan voz kechmagan bo'lardi.

«Chelsi» esa Azarning transferini 100–120 million evroga baholamoqda. 28 yoshli futbolchining londonliklar bilan shartnomasi 2020 yilning yoziga qadar tuzilgan.

Manbaga ko'ra, "Chelsi" ikkita transfer paytida yangi futbolchilarni ro'yxatdan o'tkaza olmasa-da, Azarni yozda qo'yib yuborishga qarshi emas.