“Inter”ning ikki etakchisi “Nyukasl” “radari”ga tushgan

Saudiya Arabistoni investorlari qo'liga o'tgan “Nyukasl” Evropa bozoridagi transfer borasidagi qarorni qabul qildi.  

“The Times” nashri xabariga ko'ra, “qarg'alar” qiziqishlari doirasida Milanning “Inter” klubining ikki futbolchisi - himoyachi Stefan de Vrey va yarimhimoyachi Martselo Brozovich tushgan. Bundan tashqari, ingliz klubi Rimning “Latsio” klubi darvozaboni Tomas Strakoshani ham kuzatib bormoqda.

“Nyukasl” ayni damda Angliya Premer-ligasi turnir jadvalida 19-o'rinda bormoqda. Eslatib o'tamiz, yaqinda Eddi Xou jamoa bosh murabbiyiga aylandi.