"Yuventus" A Seriyaning yangi yulduzi bilan kelishib oldi

"Fiorentina" hujumchisi faoliyatini "Yuventus"da davom ettiradi.

Jurnalist Nikolo Skira bergan ma'lumotlarga ko'ra, "Fiorentina" etakchisi Dushan Vlaxovich yozgi transferlar vaqtida Turin superklubiga o'tadi. Tomonlar o'za to'liq kelishuvga erishgan. Unga ko'ra, Dushan "keksa sinora" bilan 5 yillik shartnoma imzolaydi va yiliga 6 million evro maosh oladi.

Eslatib o'tamiz, 21 yoshli Vlaxovich "binafsharanglilar" bilan 2023 yilning yozida yakuniga etadigan shartnomasini uzaytirmoqchi emas. "Yuventus" kelasi yozda forvardning transferi borasida kelishuvga erishishi kutilmoqda.