«Barselona» sport direktori lavozimidan bo'shatildi

"Barselona" klubida kadrlar revolyutsiyasi davom etmoqda.

"Ko'k-anorranglilar" rasmiy sayti ma'lumotiga ko'ra, sport direktor lavozimida ishlab kelgan Ramon Planes klub bilan hamkorlikni erta yakunlash borasida kelishuvga erishdi.

"Barselona" bayonotda Planesga o'z lavozimidagi ikki yillik faoliyati uchun minnatdorchilik bildirdi. Oldinroq OAVda bu joyni kataloniyaliklarning sobiq sardori Karles Puyol egallashi mumkinligi xabar qilingan edi.