OAV: "Barsa" yulduzi qishda jamoani tark etmoqchi emas

"Barselona" yarim himoyachisi Filippe Koutino qishki transfer oynasida jamoani tark etish niyatida emas, deb xabar berdi "Sport.es" sayti.

Ma'lumotlarga ko'ra, "Barselona" braziliyalik futbolchi bilan navbatdagi transferlar vaqtida xayrlashmoqchi bo'lgan, ammo 29 yoshli futbolchi uchun yangi klub topa olmagan.

Koutino jamoaning yangi bosh murabbiy Xavi bilan kelajagi haqida gaplashgandan so'ng bir qarorga keladi.

Joriy mavsumda braziliyalik yarim himoyachi barcha musobaqalar doirasida 11ta o'yinda ishtirok etib, 1ta gol urgan.