Terri Anri “Oltin to'p-2021” favoritlari haqida gapirdi

Frantsiyalik afsonaviy hujumchi Terri Anri bu yilgi “Oltin to'p” favoritlari haqida o'z fikri bilan o'rtoqlashdi. Londonning “Arsenal” klubi sobiq futbolchisi ikki hamyurtini alohida ta'kidladi.

“Men mukofot Kante yoki Benzemaga berilishini istayman. O'tgan yili Levandovski “Oltin to'p”ni qo'lga kiritgan edi, bu haqda hatto muhokama ham yo'q. Da'vogarlar qatorida Jorjinoni ham e'tirof etish mumkin. U Italiya terma jamoasi bilan Evropa chempioni bo'ldi. Lionel Messini ham unutmang”, - deydi Terri. 

Eslatib o'tamiz, “Oltin to'p”ni taqdirlash marosimi 29 noyabr, dushanba kuniga belgilangan.