“Lill” Mourino qiziqish bildirgan futbolchiga narx belgiladi

“Lill” himoyachisi Sven Botman faoliyatini Italiya A seriyasida davom ettirishi mumkin. Bu haqda “La Gazzetta dello Sport” nashri xabar bermoqda. Manbaga ko'ra, futbolchi “Roma” bosh murabbiyi Joze Mourinoning qiziqish doirasiga tushib qolgan.

Ta'kidlanishicha, frantsuz klubi o'z futbolchisini qo'yib yuborishga qarshi emaslar, ammo u uchun 30 million evro so'rashmoqda. Bu miqdor Rim jamoasiga mos kelmyapti.

Agar narxni tushirib bo'lmasa, “bo'rilar” “Feyenoord” himoyachisi Markos Senesi yoki “Galatasaroy” himoyachisi Marao Teysheyrani sotib olishga harakat qiladi.