Dembele bundan saboq oldi

15 noyabr kungi "Barselona" mashg'ulotlariga Usmon Dembele birinchi bo'lib etib keldi, deya xabar berdi jurnalist Aleks Pinatel "Twitter" sahifasida.

Avvalroq, frantsiyalik futbolchi kataloniyaliklar mashg'ulotlariga 3 daqiqaga kech qolgani uchun klub tomonidan 10000 evro miqdorda jarima to'lagan edi. Xavi tomonidan o'rnatilgan yangi qoidalarga ko'ra futbolchilar mashg'ulotlar boshlanishidan 90 daqiqa avval klub bazasida bo'lishi kerak.

Eslatib o'tamiz, Dembele 2 noyabr kuni Chempionlar ligasi doirasidagi "Dinamo Kiev"ga qarshi o'yinda bu mavsumdagi dastlabki uchrashuvini o'tkazgan edi.