Messi Braziliyaga qarshi o'yinda ishtirok etadimi?

Argentina terma jamoasi bosh murabbiyi Lionel Skaloni hujumchi Lionel Messining Braziliyaga qarshi o'yin oldidan holati haqida gapirdi.

"So'nggi o'yin oldidan uning jismoniy holati yaxshi edi, biroq biz u o'yinning faqat bir qismini maydonda o'tkazgani ma'qul, deb qaror qildik. Braziliya bilan bahsda uning ishtirokini tasdiqlashim mumkin, u o'yin davomida o'zini yaxshi his qiladi deb umid qilamiz", - deya Skaloni so'zlaridan iqtibos keltirgan "Marca" nashri.

Eslatib o'tamiz, avvalroq “PSJ” vakillari Messining jarohati borligi sabab terma jamoaga chaqirilishiga qarshi chiqqan edi.