Argentina termasi safida yo'qotish bor

Argentina terma jamoasi hujumchisi Papu Gomes JCh-2022 saralash bahslaridan o'rin olgan Urugvayga qarshi o'yinda (1:0) jarohat olgan.

Milliy terma jamoa rasmiy "Twitter" sahifasi xabariga ko'ra, 33 yoshli futbolchi chap tizzasida noqulayliklar his qilmoqda. Jamoaning so'nggi umumiy guruh mashg'ulotlarida ishtirok etganiga qaramay, Gomes Braziliyaga qarshi bahsni o'tkazib yuboradi.

Eslatib o'tamiz, Argentina – Braziliya terma jamoalari o'rtasidagi o'yin 17 noyabr, tonggi soat 04:30 da start oladi