O'rtoqlik uchrashuvi. Katanets boshchiligidagi terma jamoamiz Gruziyaga imkoniyatni boy berdi

O'zbekiston milliy terma jamoasining Gruziyaga qarshi o'tkazgan o'rtoqlik uchrashuvi yakuniga etdi.

Gruziya poytaxti Tbilisi shahridagi "Tengiz Burjanadze" stadionida bo'lib o'tgan bahsda maydon egalari kichik 1:0 hisobida g'alabaga erishdi.

Uchrashuv tengma-teng kurashlar ostida o'tdi. O'yinning 40-daqiqasi o'tib borayotgan vaqtda Gruziya terma jamoasi o'zining o'ng qanotidan navbatdagi hujumini uyushtirdi. Zuriko Dvitashvili birdaniga 3 nafar yurtdoshimizni chalg'itib jarima maydonchasiga to'pni uzatdi, u erda bo'sh qoldirilgan David Volkov bosh bilan zarba yo'llab hisobni ochadi - 1:0.

Terma jamoamiz vakillari qanchalik harakat qilishmasin natijani o'zgartira olishmadi. Yakuniy hisob – 1:0.

O'rtoqlik uchrashuvi.

Gruziya – O'zbekiston – 1:0 (1:0,0:0)

Gol: 40 - David Volkov (1:0).

Gruziya – Kupatadze, Kakabadze, Kashia, Xocholava, Lobjanidze, Kvekveskiri, Gviliya, Azarov, Kazaishvili, Volkov, Davitashvili.

O'zbekiston – Yusupov, Hoshimov, Abdullaev, Qobilov, Sayfiev, Xamrobekov, Shukurov, Aliboev, Hamdamov, Shomurodov, Masharipov.

Chetlatish: Sayfiev (84), Azarov (84).

Stadion: "Tengiz Burjanadze" (Tbilisi)

Manba: www.stadion.uz.