"Lill" "Real" darvozaboniga qiziqish bildirmoqda

"Real" darvozaboni Andrey Lunin "Lill" qiziqishlari doirasiga tushib qolgan, deya xabar beradi "TodoFichajes".

Manbaning xabariga ko'ra, frantsuz klubi ukrainalik futbolchining ehtimoliy shartnomasi borasida "qirollik klubi" vakillari bilan bog'lanishgan. Jamoa darvozabonni qishki transferlar oynasida ijaraga olmoqchi.

"Lill" Mayk Menyan klubni tark etganidan keyin yangi darvozabon qidirishda davom etmoqda. Hozirgi darvozabon Ivo Grbichning harakatlari jamoa rahbariyatini hayratda qoldirmayapti, deyiladi xabarda.

Qayd etish joiz, joriy mavsum ukrainalik posbon "Real Madrid" safida birorta o'yin o'tkazmadi.