"Liverpul"da muhim o'yin oldidan jiddiy yo'qotishlar yuz berishi mumkin

"Liverpul" shanba kungi "Arsenal"ga qarshi bahsda uchta asosiy futbolchilari xizmatidan foydalana olmasligi mumkin. Xabarlarga ko'ra, Klopp xalqaro o'yinlarda jarohat olgan Jordan Xenderson hamda Sadio Maneni maydonga tushira olmasligi mumkin.

Shuningek, Roberto Firminoda ham jarohat mavjud. Uning ham "Arsenal"ga qarshi bahsga tayyor bo'lishi so'roq ostida.

Eslatib o'tamiz, ushbu bahs APL turnir jadvaliga ta'sir qilish ehtimoli katta. Hozirda "Liverpul" 22 ochko bilan 4 o'rinda bo'lsa, "Arsenal" esa, 20 ochko bilan 5 pog'onani band etgan.