"Arsenal" tarkibidagi eng qimmatga tushgan futbolchisini ikki baravar arzon narxga sotishga rozi

"Arsenal" qishda tarkibidagi eng qimmat futbolchini sotib yuborishga harakat qiladi. Xabarlarga ko'ra, jamoa ustozi Mikel Artetaning Nikolya Pepe borasida sabr kosasi to'lib bormoqda.

Shu sabab Pepe uchun qishki transferlar oynasida "yashil chiroq" ko'rsatiladi. Shimoliy London klubi o'z futbolchisi narxini ancha pasaytirilgan holda belgilaydi.

Ta'kidlanishicha, Pepe uchun atigi 30 million funt so'raladi, xolos. 26 yoshli hujumchi bu mavsumda maydonga deyarli tushirilmagan. U 2019 yilda "Lill"dan 72 million funt evaziga  olib kelingan edi.

Manba: caughtofffside.com