"Midlsbro" klubi APL gigantining hujumchisiga xaridor

"Arsenal" hujumchisi Florin Balogun "Midlsbro" ustozi Kris Vaylderning qishki xaridlar ro'xatidan o'rin olgan. 54 yoshli mutaxassis o'tgan mavsumda "Sheffild" bilan APLdan tushib ketgach, iste'foga chiqarilgan edi.

U 8 oylik tanaffusdan keyin, o'tgan haftada "Midlsbro"ga bosh murabbiy etib tayinlandi. Uning hozirgi asosiy ishi jamoani yangilash bo'lmoqda. Shu sabab, hujumchi sotib olish niyatida.

"Arsenal" futbolchisini mavsumning ikkinchi yarmida ijaraga berishi mumkin. Vaylder esa, bunga ega chiqmoqchi. U 2019 yilda "Sheffild"ni APLga olib chiqqan edi. Hozir esa "Midlsbro"da bu ishni uddalashga harakat qilib ko'radi.