«Betis» «Bavariya» yarim himoyachisini sotib olishi mumkin

Myunxenning «Bavariya» klubining ispaniyalik yarim himoyachisi Mark Rokaga «Betis» qiziqish bildirmoqda, deb xabar beradi Diario de Sevilla nashri.

Manbaga ko'ra, ispaniyalik futbolchini Andalusiya klubi ustozi Manuel Pellegrini shaxsan o'zi qo'lga kiritmoqchi.

Qayd etilishicha, transfer yanvar oyidagi transfer oynasidayoq ijara shaklida amalga oshirilishi mumkin.

Roka 2020 yilda «Bavariya»ga «Espanol»dan 9 million evro evaziga o'tgan edi.

Ispaniyalik futbolchining «Bavariya» bilan shartnomasi 2025 yilning iyuniga qadar tuzilgan.